#孫仔 樂樂是暖男哥哥 #有哥的妹妹像個寶
*問:* 可以跟我們分享小學午餐飯盒心得嗎？
樂樂媽分享: 「喺樂樂K3嘅時候，其實有應承咗佢小學唔訂飯，我每日由媽媽送飯...但因為妹妹嘅到來，送飯呢件事擱置咗兩年。」
媽媽非常感恩樂樂的懂事: 「樂樂亦都好體諒我冇乜怨言，終於三年級新學年開始，媽媽就開始一邊照顧妹妹，一邊預備午餐飯盒，再送飯到學校」
*問:* 每天都要煮飯，如何找靈感呢？
樂媽雖然辛苦但也享受過程: 「整飯盒最主要都係會同佢傾吓，睇吓佢有冇乜嘢特別想食... 如果冇特別要求就我發辦🤪」
媽媽自己本身習慣: 「不加任何調味料，包括食油都可以唔落😂 所以兩位小朋友都唔會食啲好濃味嘅嘢...」
媽媽細心指: 「🥰為咗樂樂食得開心，買多咗一啲得意嘅叉仔 / 公仔配菜做伴碟」
*問:* 怎樣安排5天餐單？
媽媽說: 「逢星期五或者早放，盡量都會安排小食餐俾佢，唔使成日食飯咁悶呀嘛😂」
一齊睇下樂樂媽媽分享嘅餐盒
分配營養的心得: 「 1. 基本要有菜有肉同埋澱粉質，可以嘅話就跟多幾粒水果🤭
2. 一個星期盡可能都唔重複同一種肉類，盡量試吓唔同嘅烹調方式或配搭
3. 就算今餐唔好食，樂樂都會返嚟同我講，下次煮過第二樣或者試吓另外一個方法」
媽媽充滿期待:「如果許可嘅話都會好想整到好似啲日本媽媽咁樣，佢哋真係整得好靚😍 所以我都會留意一啲有關日本便當嘅IG Account作參考，希望自己有朝一日可以整到🤭」
小編: 「對於樂樂來說，餐盒嘅味道源自於媽媽每日俾佢嘅愛，一定係全世界最好味嘅餐盒！」
媽媽寄語仔女的說話：凡事感恩！珍惜每一次機會，決定咗就做好佢，唔好俾自己後悔！
媽咪永遠都會係你哋最強嘅後盾💪🏻Work hard Play More hard
翠玉瓜炒蜜汁豬頸肉 便當🍱
材料：
翠玉瓜 x1條
蜜汁豬頸肉（凍肉檔） x1塊
做法：
1. 先把豬頸肉切條炒香至七成熟
2. 將翠玉瓜切片炒熟，過程中加適量的水
（避免炒燶，及能加快煮熟）
3. 翠玉瓜炒至翠綠半透時，即可把預先炒熟的豬頸肉加入，一併再兜勻炒香即可
因原來的豬頸肉已經有蜜糖醃製過，所以過程中並不需要再加入任何調味料，落適量的食油即可。
牛肩肉炒京白菜 便當🍱
材料：
京白菜 x三份一棵
牛肩肉（急凍） x三份一盒
做法：
1. 先把京白菜切條炒熟，過程中加適量的水
（避免炒燶，及能加快煮熟）
2. 京白菜炒至軟身時，可以先把菜分到鑊的其中一邊，隨即可把牛肩肉加入，當牛肉接近變色後，即可一併再兜勻炒香即可
過程中並不需要再加入任何調味料，因為牛肩肉在烹調過程中會有「牛汁」出現，京白菜正好可以吸收牛肉鮮味，所以在烹調時落適量的食油即可。
斑魚柳蟹柳 便當🍱
材料：
斑魚塊（急凍的）x半條
粗蟹柳條 x1條
做法：
1. 先把魚塊用少量的鹽醃一醃，令魚肉更爽口
2. 切成小塊，落鑊煎香
3. 再加入已切粒的蟹柳，多煎一會即可
因魚塊在烹調過程中亦會釋放魚油，所以只需落少量的食油即可。
小食餐 輕便當🍱
(通常喺星期五或者早放就會出現😂）
材料：
脆皮蜜糖腸 x4條
蟹柳條 x1條
貓貓樣魚糕 x6片
日式芝士蛋糕 x3小件
做法：
1. 將蜜糖腸喺中間位置開始𠝹幾刀，之後落鑊煎..
過程中... 蜜糖腸啲腳仔就會走出嚟😂🐙
2. 因為蟹柳比較容易散開，亦都好快熟，所以切粒之後煎香就可以
3. 魚糕切片之後，用水加熱煮開即可
過程中並不需要再加入任何調味料，，烹調時落適量的食油即可。
另外因為係煎炸食物，所以建議入盒之前用廚房紙巾印乾油份較好😉
